Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Er eyðing regnskóganna bara af mannavöldum eða á náttúran einhvern þátt í henni?

Náttúruöflin hafa alltaf haft áhrif á regnskóga. Eldar, þurrkar, stormar og eldgos, svo nokkuð sé nefnt, hafa mikil áhrif á vöxt og viðgang regnskóganna og geta valdið raski á stórum svæðum. Náttúrleg röskun er þó harla ólík röskun af mannavöldum.

Eldar, þurrkar og stormar eyða skóginum ekki algjörlega. Hluti vistkerfisins starfar áfram og skógurinn jafnar sig yfirleitt á örfáum árum. Fjölbreytni lífríkisins verður fljótt sú sama og áður og hún getur jafnvel aukist.

Frumskógur í Suður-Mexíkó brenndur til að rýma fyrir ræktarlandi. Smelltu á myndina til að skoða stærra eintak af henni.

Rannsóknir hafa sýnt að sumir skógar þrífast ekki almennilega án þessara náttúrlegu atburða. Í smáeldum sem geta kviknað í skógum af náttúrlegum orsökum brennur botngróður en fullvaxta tré lifa. Jarðvegurinn er þá tilbúinn fyrir nýjar plöntur en laufkrónan helst ósködduð. Stærri dýr geta yfirleitt leitað sér skjóls fyrir þessum smáeldum og sumar trjátegundir reiða sig á eldana vegna fræspírunar.

Eyðing regnskóga af mannavöldum getur aukið líkur á eldum og þurrki með skelfilegum hamförum eins og eldarnir í Borneó 1982-1983 sem eyddu um 3,6 milljónum hektara af regnskógi, bera vitni um. Í svona risaeldum af mannavöldum er engu hlíft, hvorki plöntum né dýrum og ólíklegt er að skógurinn nái nokkurn tímann að jafna sig.

Langvarandi breytingar á veðrakerfum af mannavöldum gætu valdið enn meiri þurrki með ófyrirséðum afleiðingum á lífríki regnskóganna sem er aðlagað að ákveðnu hita- og rakastigi. Talið er að helmingur Amasonregnskógarins sé nú í brunahættu af völdum El Niño-veðrakerfisins sem veldur miklum þurrkum.

Heimildir:
  • Mongabay.com.
  • Paul R. Williams 2000. Fire-stimulated rainforest seedling recruitment and vegetative regeneration in a densely grassed wet sclerophyll forest of north-eastern Australia. Australian Journal of Botany 48(5). 651 – 658.

Mynd:

Útgáfudagur

1.2.2012

Spyrjandi

Ingibjörg Jónsdóttir, f. 1993

Höfundur

Tilvísun

Rannveig Magnúsdóttir. „Er eyðing regnskóganna bara af mannavöldum eða á náttúran einhvern þátt í henni?“ Vísindavefurinn, 1. febrúar 2012. Sótt 17. nóvember 2019. http://visindavefur.is/svar.php?id=26379.

Rannveig Magnúsdóttir. (2012, 1. febrúar). Er eyðing regnskóganna bara af mannavöldum eða á náttúran einhvern þátt í henni? Vísindavefurinn. Sótt af http://visindavefur.is/svar.php?id=26379

Rannveig Magnúsdóttir. „Er eyðing regnskóganna bara af mannavöldum eða á náttúran einhvern þátt í henni?“ Vísindavefurinn. 1. feb. 2012. Vefsíða. 17. nóv. 2019. <http://visindavefur.is/svar.php?id=26379>.

Chicago | APA | MLA

Sendu inn spurningu
eða

Vísindadagatalið

Andri Stefánsson

1972

Andri Stefánsson er prófessor við Jarðvísindadeild Háskóla Íslands. Rannsóknir Andra hafa einkum beinst að efnafræði jarðhitavatns, samspili vatns og bergs, eðlisefnafræði jarðhitavökva og uppruna og hringrás rokgjarnra efna í jarðskorpunni.