Í dag telja vísindamenn að alheimurinn hafi myndast við svokallaðan Miklahvell fyrir um það bil 15 milljörðum ára. Það er þó erfitt að segja til um þá tölu nákvæmlega eins og lesa má um í svari Tryggva Þorgeirssonar við spurningunni Hvenær varð heimurinn til?

Við upphaf alheimsins hefur efni hans verið óendanlega þétt, en við Miklahvell byrjaði alheimurinn að þenjast út og hefur hann verið að þenjast stöðugt út síðan. Nánar má lesa um þetta í svari Tryggva Þorgeirssonar við spurningunni Hvernig varð alheimurinn til? Einnig er fróðlegt að lesa svar Kristjáns Rúnars Kristjánssonar við spurningunni Er alltaf jafnmikið af efni í alheiminum?

Svör á Vísindavefnum um skyld efni eru til dæmis:

• Geta verið aðrir miklahvellsmassar í óendanlegum geimi fyrir utan þann sem tilheyrir Miklahvelli?
• Er alheimurinn bara eitt sólkerfi eða út um allt?
• Er alheimurinn endalaus? Ef ekki, hvar eru þá mörkin og hvað er hinumegin?
• Hver er miðpunktur alheimsins?

Frekari upplýsingar má svo finna með því að nota leitarvél Vísindavefsins eða smella á efnisorðin

---

Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur.