Hversu gömul er Hekla?

Nafn þitt

Netfang þitt

Netfang móttakanda

Ruslpóstvörn =

Svar

Hversu gömul er Hekla?
Nákvæmur aldur Heklu er ekki kunnur. Þar sem allt berg hennar er rétt skautað er þó vitað er að hún er ekki eldri en um 700.000 ára, en þá urðu segulskipti á jörðinni.

Heklugos 1991.

Þekkt eru nokkur stór forsöguleg gos í Heklu. Elsta öskulagið, H5, er um 7000 ára gamalt, H4 er um 4800 ára og H3 er um 2900 ára. Fyrsta Heklugosið frá sögulegum tíma varð aftur á móti árið 1104. Gosinu fylgdi mikið öskufall sem lagði marga bæi í eyði. Síðan þá hefur Hekla gosið að minnsta kosti 16 sinnum, eins og lesa má um í svari Sigurðar Steinþórssonar við spurningunni Hvaða eldfjall hefur gosið mest? Síðast gaus Hekla árið 2000.

Ármanni Höskuldssyni, eldfjallafræðingi, er þakkað fyrir veittar upplýsingar.

Frekara lesefni á Vísindavefnum

• Af hverju gaus Hekla árið 2000? eftir Sigurð Steinþórsson.
• Hefðu menn fyrr á öldum orðið varir við Heklugos eins og varð í febrúar 2000? eftir Sigurð Steinþórsson.
• Hvaða ár mun Hekla gjósa næst? eftir JGÞ.
• Hvers vegna er Hekla ílöng en ekki keila? eftir Sigurð Steinþórsson.

Heimildir og mynd

• Hekla. Náttúruhamfarir og mannlíf.
• Hekla Suðurland. Náttúrufræðistofnun Íslands og Umhverfisstofnun.
• Myndin er fengin af síðunni Mats: Íslandsmyndasafn © Mats Wibe Lund.

---

Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur....