Hvað er sérstakt við nöfnin Jón, Sigurður og Guðmundur sem gerir þau að algengustu karlmannsnöfnunum?

Nafn þitt

Netfang þitt

Netfang móttakanda

Ruslpóstvörn =

Svar

Hvað er sérstakt við nöfnin Jón, Sigurður og Guðmundur sem gerir þau að algengustu karlmannsnöfnunum?
Í raun er ekkert sérstakt við nöfnin Jón, Sigurður og Guðmundur fremur en Guðrún, Sigríður og Kristín sem eru meðal algengustu kvenmannsnafna. Nafnið Jón er leitt af Jóhannes sem var biblíunafn en slík nöfn urðu mjög vinsæl þegar eftir kristnitöku. Jón biskup helgi er talinn hafa fyrstur borið nafnið hérlendis og þekktur og vinsæll var einnig Jón biskup Arason. Sigurður kemur oft fyrir í fornum bókmenntum og Guðmundur biskup Arason var mjög vinsæll á 12. öld og fram á þá 13. Sterkar konur í fornsögum og eddukvæðum báru nafnið Guðrún og bæði nöfnin Sigríður og Kristín eru þekkt úr fornum bókmenntum. Þess vegna urðu þessi nöfn vinsæl meðal þjóðarinnar.

Sá sterki siður að gefa börnum nöfn úr fjölskyldunni, sem haldist hefur fram á þennan dag þótt hann virðist á undanhaldi, studdi við vinsældir þessara nafna og annarra sem mikið hafa verið notuð um aldir. Um tíma hét fimmta hver kona Guðrún og fjórði hver karl Jón.

Mynd:

• Baby, Care, Child, Cute, Hand, Face - Free image - 20339. (Sótt 20.03.2014).

...