Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Í hvaða landi finnast flestar eðlutegundir?

Eðlur tilheyra ættbálki skriðdýra (Reptilia) eins og skjaldbökur, slöngur, krókódílar og hinn lítt þekkti hópur ranakolla. Í Ástralíu finnast flestar skriðdýrategundir allra landa, eða um það bil 880. Þar á eftir koma Mexíkó með tæplega 840 skriðdýrategundir og svo Indónesía með um það bil 750 tegundir skriðdýra.

Eðla af tegundinni Varanus giganteus en svo nefnast stærstu eðlur í Ástralíu. Þær geta orðið allt að 2,5 metra langar.

Ef aðeins er litið til fjölda eðlutegunda (Lacertilia) en ekki allra skriðdýrategunda þá trónir Ástralía líka á toppnum. Sennilega er heildarfjöldi eðlutegunda í Ástralíu 520 talsins sem er mjög hátt hlutfall miðað við að þekktar tegundir eðla á heimsvísu eru 3000. Tegundaríkasta ættin í Ástralíu, og reyndar á heimsvísu, eru skinkur (Scincidae) en til þeirra teljast tæplega 60% allra eðlutegunda í Ástralíu.

Mynd:

Útgáfudagur

17.3.2015

Spyrjandi

Ylfa

Höfundur

Jón Már Halldórsson

líffræðingur

Tilvísun

Jón Már Halldórsson. „Í hvaða landi finnast flestar eðlutegundir?“ Vísindavefurinn, 17. mars 2015. Sótt 22. september 2018. http://visindavefur.is/svar.php?id=69370.

Jón Már Halldórsson. (2015, 17. mars). Í hvaða landi finnast flestar eðlutegundir? Vísindavefurinn. Sótt af http://visindavefur.is/svar.php?id=69370

Jón Már Halldórsson. „Í hvaða landi finnast flestar eðlutegundir?“ Vísindavefurinn. 17. mar. 2015. Vefsíða. 22. sep. 2018. <http://visindavefur.is/svar.php?id=69370>.

Chicago | APA | MLA

Sendu inn spurningu
eða

Vísindadagatalið

Hrafn Loftsson

1965

Hrafn Loftsson er dósent í tölvunarfræði við HR. Rannsóknir Hrafns eru á sviði máltækni sem er rannsóknar- og þróunarsvið hvers markmið er að þróa búnað sem getur unnið með og skilið náttúruleg tungumál og stuðlað að notkun þeirra í samskiptum manns og tölvu.