Hafa komið mörg kuldaskeið og hlýskeið? Hvernig vitum við það?

Nafn þitt

Netfang þitt

Netfang móttakanda

Ruslpóstvörn =

Svar

Hafa komið mörg kuldaskeið og hlýskeið? Hvernig vitum við það?
Loftslagssögu má lesa úr jarðlögum sem liggja hvert ofan á öðru eins og þegar bókum er staflað upp. Hvert einasta lag var einu sinni á yfirborði jarðar og geymir gögn um loftslagið sem var þegar það myndaðist. Hraun renna undir berum himni á hlýskeiðum en jökulurð vitnar um kuldaskeið. Á hlýskeiði vex gróður, svo sem tré, plöntur, mosi og grös. Síðan getur jökulvatn kaffært gróðurinn í aur og möl eða fíngerðu seti og jökull lagt urð yfir landið. Á Íslandi má lesa langa loftslagssögu úr jarðlögum vegna þess að mörg hraunlög hafa runnið yfir menjar kuldaskeiða og komið í veg fyrir að jöklar síðari kuldaskeiða ýttu þeim burt.

Með mælingum á styrk efnis, sem nefnist geislakol (C¹⁴), í leifum lífvera í jarðlögum má finna hve langt er síðan þær dóu. Þannig finnst einnig aldur jarðlagsins sem veran grófst í. Öskulög frá þekktum gosum sem dreifst hafa yfir land geta einnig sýnt aldur jarðlaga.

---

Þetta svar er úr bókinni Af hverju eru jöklar og ís á jörðinni? Spurningar af Vísindavefnum um jökla og loftslagsmál. Myndin er úr sömu bók og er eftir Þórarin Má Baldursson. Hvort tveggja er birt með góðfúslegu leyfi höfunda og útgefanda.

...