Sólin Sólin Rís 06:33 • sest 20:30 í Reykjavík
Tunglið Tunglið Rís 13:59 • Sest 07:02 í Reykjavík
Flóð Flóð Árdegis: 03:15 • Síðdegis: 15:57 í Reykjavík
Fjaran Fjara Árdegis: 09:49 • Síðdegis: 22:08 í Reykjavík
Árnastofnun - mynd í *Árnarstofnun

Hvernig er best að skrifa heiti sjúkdómsins COVID-19?

Jóhannes B. Sigtryggsson

COVID-19 er alþjóðlegt heiti á þeim sjúkdómi sem kórónuveiran (e. severe acute respiratory syndrome coronavirus 2 eða SARS-CoV-2) veldur. Það er stytting á coronavirus disease 2019.

Þar sem þetta heiti er upphaflega skammstöfun þá er rétt að rita það með hástöfum en ekki lágstöfum, það er COVID-19. Ekki eru ritaðir punktar í skammstöfunum sem ritaðar eru með hástöfum, til dæmis HÍ, BHM, DNA, HABL (SARS). Sjá gr. 22.6 í ritreglum Íslenskrar málnefndar.

Heitið COVID-19 er upphaflega skammstöfun og því rétt að rita það með hástöfum.

Almennt eru læknisfræðileg hugtök (sjúkdómar og fleira) rituð með litlum upphafsstaf óháð því hvort þau eru dregin af sérheiti eða ekki, til dæmis asíuflensa, stokkhólmsheilkennið, samanber gr. 1.3.3.2 d í ritreglum. COVID-19 er hins vegar skammstöfun og fellur því ekki undir þá reglu.

Ef COVID-19 er notað sem fyrri liður samsetningar þarf að hafa í huga að það er tengt eftirfarandi orði með bandstriki, til dæmis:

COVID-19-faraldurinn
COVID-19-áætlun
COVID-19-tilvik

Þetta er í samræmi við gr. 26.1.1 í ritreglum þar sem segir að bandstrik sé notað í samsettum og afleiddum orðum þar sem fyrri liðir eru tölur, tákn eða bókstafir eða skammstafanir og tilgreind dæmi eins og F-15-þota, AA-fundur.

Mynd:


Þetta svar er hluti af pistlinum COVID-19, kórónuveirur og samskiptafjarlægð sem er að finna á vef Stofnunar Árna Magnússonar í íslenskum fræðum og birtur hér með góðfúslegu leyfi.

Höfundur

Jóhannes B. Sigtryggsson

rannsóknarlektor á málræktarsviði Stofnunar Árna Magnússonar í íslenskum fræðum

Útgáfudagur

25.3.2020

Spyrjandi

Ritstjórn

Tilvísun

Jóhannes B. Sigtryggsson. „Hvernig er best að skrifa heiti sjúkdómsins COVID-19?“ Vísindavefurinn, 25. mars 2020. Sótt 4. apríl 2020. http://visindavefur.is/svar.php?id=79031.

Jóhannes B. Sigtryggsson. (2020, 25. mars). Hvernig er best að skrifa heiti sjúkdómsins COVID-19? Vísindavefurinn. Sótt af http://visindavefur.is/svar.php?id=79031

Jóhannes B. Sigtryggsson. „Hvernig er best að skrifa heiti sjúkdómsins COVID-19?“ Vísindavefurinn. 25. mar. 2020. Vefsíða. 4. apr. 2020. <http://visindavefur.is/svar.php?id=79031>.

Chicago | APA | MLA

Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Hvernig er best að skrifa heiti sjúkdómsins COVID-19?
COVID-19 er alþjóðlegt heiti á þeim sjúkdómi sem kórónuveiran (e. severe acute respiratory syndrome coronavirus 2 eða SARS-CoV-2) veldur. Það er stytting á coronavirus disease 2019.

Þar sem þetta heiti er upphaflega skammstöfun þá er rétt að rita það með hástöfum en ekki lágstöfum, það er COVID-19. Ekki eru ritaðir punktar í skammstöfunum sem ritaðar eru með hástöfum, til dæmis HÍ, BHM, DNA, HABL (SARS). Sjá gr. 22.6 í ritreglum Íslenskrar málnefndar.

Heitið COVID-19 er upphaflega skammstöfun og því rétt að rita það með hástöfum.

Almennt eru læknisfræðileg hugtök (sjúkdómar og fleira) rituð með litlum upphafsstaf óháð því hvort þau eru dregin af sérheiti eða ekki, til dæmis asíuflensa, stokkhólmsheilkennið, samanber gr. 1.3.3.2 d í ritreglum. COVID-19 er hins vegar skammstöfun og fellur því ekki undir þá reglu.

Ef COVID-19 er notað sem fyrri liður samsetningar þarf að hafa í huga að það er tengt eftirfarandi orði með bandstriki, til dæmis:

COVID-19-faraldurinn
COVID-19-áætlun
COVID-19-tilvik

Þetta er í samræmi við gr. 26.1.1 í ritreglum þar sem segir að bandstrik sé notað í samsettum og afleiddum orðum þar sem fyrri liðir eru tölur, tákn eða bókstafir eða skammstafanir og tilgreind dæmi eins og F-15-þota, AA-fundur.

Mynd:


Þetta svar er hluti af pistlinum COVID-19, kórónuveirur og samskiptafjarlægð sem er að finna á vef Stofnunar Árna Magnússonar í íslenskum fræðum og birtur hér með góðfúslegu leyfi....