Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Er meira áfengi í bjórfroðu en í bjórnum sjálfum?

Froðurannsóknir í bjór eru erfiðar þar sem froðan er síbreytileg. Þéttni froðunnar er mun minni en bjórsins en þó er vitað að froðan hefur nokkurn veginn sömu samsetningu og bjórinn sjálfur. Hlutfall prótína og humlaefna er þó eitthvað hærra í froðunni því hún er að einhverju leyti vatnsfælin (e. hydrophobic). Vatnsfælnin stafar af því að mikið gas, aðallega koltvísýringur (CO2), er í froðunni. Þess vegna má gera ráð fyrir að í froðuna safnist frekar vatnsfælin efni eins og úr humlum en síður vatnssækin efni.

Það má því færa fyrir því rök að alkóhól, það er etanól, sem leysist vel í vatni sé hlutfallslega lægra í froðunni en í bjórnum fyrir neðan. Það er því ekki rétt að allt áfengið sé í froðunni, líklega er minna alkóhól í froðu en í bjórnum sjálfum!

Hinsvegar er hefð að bera bjór fram með hæfilegum froðutoppi og er það jafnan talinn kostur ef bjórinn heldur vel froðunni í glasinu.

Ítarefni:

Mynd:


Upprunalega hljóðaði spurningin svona:

Nú heyrir maður oft sagt þegar maður er á pöbbnum "Allt áfengið er í froðunni". Er það satt eða er þetta einhvað sem barþjónar hafa fundið upp til að leyna því hvað þeir eru lélegir að hella í bjórglös?

Útgáfudagur

23.9.2010

Spyrjandi

Gunnar Ingi Ágústsson

Höfundur

bruggmeistari Ölgerðar Egils Skallagrímssonar

Tilvísun

Guðmundur Mar Magnússon. „Er meira áfengi í bjórfroðu en í bjórnum sjálfum?“ Vísindavefurinn, 23. september 2010. Sótt 24. september 2017. http://visindavefur.is/svar.php?id=57030.

Guðmundur Mar Magnússon. (2010, 23. september). Er meira áfengi í bjórfroðu en í bjórnum sjálfum? Vísindavefurinn. Sótt af http://visindavefur.is/svar.php?id=57030

Guðmundur Mar Magnússon. „Er meira áfengi í bjórfroðu en í bjórnum sjálfum?“ Vísindavefurinn. 23. sep. 2010. Vefsíða. 24. sep. 2017. <http://visindavefur.is/svar.php?id=57030>.

Chicago | APA | MLA

Sendu inn spurningu
eða

Vísindadagatalið

Röntgengeisli

Röntgengeislar eru rafsegulgeislun með afar lítilli bylgjulengd og hárri tíðni. Þeir draga nafn sitt af þýska eðlisfræðingnum Wilhelm Röntgen (1845–1923) sem uppgötvaði þá fyrstur. Notkun röntgengeisla til sjúkdómsgreiningar og meðferðar í læknisfræði varð fljótt að sérgrein innan læknisfræðinnar. Fyrsta eiginlega röntgenmyndin var tekin 22. desember 1895. Hún er af hendi Önnu Berthu, konu Röntgens.