Er meira áfengi í bjórfroðu en í bjórnum sjálfum?

Nafn þitt

Netfang þitt

Netfang móttakanda

Ruslpóstvörn =

Svar

Er meira áfengi í bjórfroðu en í bjórnum sjálfum?
Froðurannsóknir í bjór eru erfiðar þar sem froðan er síbreytileg. Þéttni froðunnar er mun minni en bjórsins en þó er vitað að froðan hefur nokkurn veginn sömu samsetningu og bjórinn sjálfur. Hlutfall prótína og humlaefna er þó eitthvað hærra í froðunni því hún er að einhverju leyti vatnsfælin (e. hydrophobic). Vatnsfælnin stafar af því að mikið gas, aðallega koltvísýringur (CO₂), er í froðunni. Þess vegna má gera ráð fyrir að í froðuna safnist frekar vatnsfælin efni eins og úr humlum en síður vatnssækin efni.

Það má því færa fyrir því rök að alkóhól, það er etanól, sem leysist vel í vatni sé hlutfallslega lægra í froðunni en í bjórnum fyrir neðan. Það er því ekki rétt að allt áfengið sé í froðunni, líklega er minna alkóhól í froðu en í bjórnum sjálfum!

Hinsvegar er hefð að bera bjór fram með hæfilegum froðutoppi og er það jafnan talinn kostur ef bjórinn heldur vel froðunni í glasinu.

Ítarefni:

• Vísindagrein um breytingar sem verða á bjórfroðu þegar hún fellur saman
• Wonderhowto.com - How to quickly eliminate beer foam.

Mynd:

• Drink with the Wench. Sótt 23.9.2010.

Upprunalega hljóðaði spurningin svona:

Nú heyrir maður oft sagt þegar maður er á pöbbnum "Allt áfengið er í froðunni". Er það satt eða er þetta einhvað sem barþjónar hafa fundið upp til að leyna því hvað þeir eru lélegir að hella í bjórglös?

...