Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Hvers vegna lifa elgir ekki á Íslandi?

Ástæðan fyrir því að elgir lifa ekki á Íslandi er sú að þeir hafa ekki verið fluttir til landsins.

Eina spendýrið sem var á Íslandi þegar landnámsmenn komu hingað fyrir rúmum 1.000 árum var refurinn. Önnur landspendýr hafa borist hingað með mönnum og á það jafnt við um húsdýr og dýr sem lifa villt í náttúrunni. Villtu dýrin hafa sum hver komið óboðin, gera má ráð fyrir að mýs og rottur hafi komið sem laumufarþegar, en bæði minkur og hreindýr voru flutt til landsins af ásettu ráði.



Elgir hafa ekki verið fluttir til Íslands.

Elgir lifa á norðlægum slóðum og vel má vera að þeir gætu lifað á Íslandi án þess þó að neitt sé fullyrt um það hér og nú. Hins vegar eru strangar reglur um innflutning dýra til landsins og það er mjög hæpið að leyfi fengist til þess að flytja elgi til Íslands. Tilkoma nýrra dýrategunda hefur alltaf í för með sér einhverjar breytingar á vistkerfinu og þær geta reynst skaðlegar. Hætta á dýrasjúkdómum er einnig sterk rök fyrir ströngum reglum um innflutning dýra.

Frekari fróðleikur á Vísindavefnum:

Mynd:


Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur.

Útgáfudagur

17.3.2011

Spyrjandi

Árþóra Ingibjörg Álfgeirsdóttir, f. 1997

Höfundur

Tilvísun

EDS. „Hvers vegna lifa elgir ekki á Íslandi?“ Vísindavefurinn, 17. mars 2011. Sótt 20. október 2017. http://visindavefur.is/svar.php?id=58939.

EDS. (2011, 17. mars). Hvers vegna lifa elgir ekki á Íslandi? Vísindavefurinn. Sótt af http://visindavefur.is/svar.php?id=58939

EDS. „Hvers vegna lifa elgir ekki á Íslandi?“ Vísindavefurinn. 17. mar. 2011. Vefsíða. 20. okt. 2017. <http://visindavefur.is/svar.php?id=58939>.

Chicago | APA | MLA

Sendu inn spurningu
eða

Vísindadagatalið

Veirur

Veirur eru örsmáar eindir, erfðaefni í prótínhylki. Þær geta ekki fjölgað sér sjálfar en sýkja lifandi hýsilfrumur og fá þær til að búa til nýjar veirur í stað þess að sinna reglulegri starfsemi sinni. Allar lífverur hafa sínar veirur, til eru veirur sem ráðast á bakteríufrumur, aðrar ráðast á frumur manna, enn aðrar á plöntur og svo framvegis.