Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Hvað fer minkurinn hratt yfir?

Hraði minks hefur verið mældur frá 1,7 km/klst., þegar hann gengur, upp í 9,4 km/klst., þegar hann hleypur, en það er um það bil fimm til sex líkamslengdir minks á sekúndu. Þegar minkur syndir á yfirborði vatns er hraði hans um 1,5 km/klst. en þegar hann eltir bráð undir vatnsyfirborði þá syndir hann oft á upp í 2 km/klst. og mest á 3 km/klst.


Hraði minks hefur verið mældur frá 1,7 km/klst. upp í 9,4 km/klst.

Minkurinn fer mishratt yfir eftir því hvað hann er að gera. Við daglegar hreyfingar innan heimasvæðisins hreyfist hann að meðaltali um 0,4 km/klst. en þegar minkur ferðast lengra getur hann farið langar vegalengdir á meðalhraða 2,8-4,7 km/klst.

Það tók minkinn einungis 40 ár að breiðast út um allt Ísland og að meðaltali hefur hann því ferðast um 20 km á hverju ári. Þegar minkahvolpar fara að heiman í leit að heppilegu búsvæði geta þeir farið langt frá heimahögunum og til eru dæmi um að minkar hafi fundist 40 km frá fæðingarstað sínum.

Heimildir:
  • Dunstone, N. 1993. The mink. T & AD Poyser Ltd. London.
  • Gerell, R. (1970) Home ranges and movements of mink Mustela vison Schreber in southern Sweden. Oikos, 21, 160.

Mynd:

Útgáfudagur

27.7.2011

Spyrjandi

Sigurður Freyr Sigurðarson

Höfundur

Tilvísun

Rannveig Magnúsdóttir. „Hvað fer minkurinn hratt yfir?“ Vísindavefurinn, 27. júlí 2011. Sótt 18. nóvember 2017. http://visindavefur.is/svar.php?id=60203.

Rannveig Magnúsdóttir. (2011, 27. júlí). Hvað fer minkurinn hratt yfir? Vísindavefurinn. Sótt af http://visindavefur.is/svar.php?id=60203

Rannveig Magnúsdóttir. „Hvað fer minkurinn hratt yfir?“ Vísindavefurinn. 27. júl. 2011. Vefsíða. 18. nóv. 2017. <http://visindavefur.is/svar.php?id=60203>.

Chicago | APA | MLA

Sendu inn spurningu
eða

Vísindadagatalið

Negull

Negull er krydd úr þurrkuðum blómhnöppum negultrésins. Hann er eitt þekktasta krydd veraldar og fyrr á öldum var hann einokunarvara Portúgala og Hollendinga. Hann er ýmist notaður malaður eða heill. Negull er notaður í bakstri og í ýmsa austurlenska rétti, svo og til að krydda ýmsa kjötrétti. Negull er ilmríkur og sums staðar er hefð að stinga negulnöglum í appelsínu og hengja upp fyrir jólin.