Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Hvort verða ungar til í eggjahvítunni eða eggjarauðunni?

Ef spyrjandi á við fuglsegg þá verður unginn hvorki til í eggjahvítunni né eggjarauðunni. Eggjarauðan veitir unganum nauðsynlega næringu en í henni eru meðal annars járn, fosfór, mörg sölt og A-, B- og D-vítamín. Einnig eru í rauðunni ýmsar gerðir af lípíðum.

Ungar verða hvorki til í eggjahvítunni né eggjarauðunni.

Eggjahvítan er einnig nauðsynlegt næringarforðabúr fyrir vaxandi ungann en eggjahvíta er að vísu að mestu vatn (90%) og svo flókin prótín, svo sem albúmín og glóbúlín. Engin lípíð er að finna í eggjahvítunni. En hvar er þá unginn?

Í venjulegu hænueggi sem við kaupum úr matvöruverslun hér á landi sýnist okkur egg aðeins samanstanda af eggjarauðu og eggjahvítu auk nokkurra himna. En fósturvísirinn sem nefnist kímblöðrudiskur (e. blastodisc) má finna á yfirborði eggjarauðunnar ef vel er gáð.

Örin bendir á kímblöðrudiskinn.

Kímblöðrudiskurinn er daufhvítur blettur sem samanstendur í fyrstu af einni frumu og er 2-3 mm í þvermál. Með tímanum skiptir fruman sér, fuglsfóstur verður til sem að lokum leiðir til þess að ungi verður til.

Myndir:

Útgáfudagur

18.5.2012

Spyrjandi

Eva Ruth Gísladóttir, Nína Rún Óladóttir, f. 1995

Höfundur

Jón Már Halldórsson

líffræðingur

Tilvísun

Jón Már Halldórsson. „Hvort verða ungar til í eggjahvítunni eða eggjarauðunni?“ Vísindavefurinn, 18. maí 2012. Sótt 22. september 2018. http://visindavefur.is/svar.php?id=62556.

Jón Már Halldórsson. (2012, 18. maí). Hvort verða ungar til í eggjahvítunni eða eggjarauðunni? Vísindavefurinn. Sótt af http://visindavefur.is/svar.php?id=62556

Jón Már Halldórsson. „Hvort verða ungar til í eggjahvítunni eða eggjarauðunni?“ Vísindavefurinn. 18. maí. 2012. Vefsíða. 22. sep. 2018. <http://visindavefur.is/svar.php?id=62556>.

Chicago | APA | MLA

Sendu inn spurningu
eða

Vísindadagatalið

Hrafn Loftsson

1965

Hrafn Loftsson er dósent í tölvunarfræði við HR. Rannsóknir Hrafns eru á sviði máltækni sem er rannsóknar- og þróunarsvið hvers markmið er að þróa búnað sem getur unnið með og skilið náttúruleg tungumál og stuðlað að notkun þeirra í samskiptum manns og tölvu.