Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvað getur þú sagt mér um hellafiskinn Cryptotora thamicola?

Tegundin Cryptotora thamicola er afar smávaxinn hellafiskur sem vart verður lengri en 2,8 cm. Þetta er eina tegundin innan ættkvíslarinnar Cryptotora og hefur aðeins fundist í átta hellum í hellakerfi í Mae Hong Son-héraði í Taílandi. Þar lifa þessir fiskar í straumvatni djúpt inn í hellunum, meira en 500 metrum frá hellismunna.

Cryptotora thamicola er afar smávaxinn fiskur sem nær vart 2,8 cm að lengd.

Cryptotora thamicola hefur engin sjáanleg augu eins og algengt er með dýr sem lifa fjarri sólarljósi. Hann lifir á ýmsum tegundum örvera og lífrænum efnum og hefur þann sérstaka sið, samkvæmt rannsókn sem birt var árið 2016, að ganga á eyruggunum eftir botninum og éta það sem til fellur þar.

Fiskurinn er afar viðkvæmur fyrir breytingum á vatnsrennsli og gæðum vatns. Samkvæmt Alþjóðlegu náttúruverndarsamtökunum (IUCN) stendur vistkerfinu sem C. thamicola lifir í nokkur ógn af mengun frá landbúnaðarsvæðum í grenndinni og eyðingu skóglendis, en einnig af ferðaþjónustu þar sem þessir hellar eru vinsælir til köfunar. Af þeim sökum hefur IUCN skilgreint tegundina í hættu (e. vulnerable). Tegundin er friðuð en hættan á mengun vistkerfisins er viðvarandi.

Heimildir:
  • Flammang, B. E., Suvarnaraksha, A., Markiewicz, J. og Soares, D. (2016). Tetrapod-like pelvic girdle in a walking cavefish. Scientific Reports 6.
  • Froese, R. og Pauly, D. (ritstj.). (2012). Cryptotora Thamicola. FishBase. Sótt 16. júlí 2018 af https://www.fishbase.de/summary/26877.
  • Kottelat, M. (1996). Cryptotora thamicola. In: IUCN 2008. IUCN Red List of Threatened Species.

Mynd:

Útgáfudagur

22.8.2018

Spyrjandi

Bergrós Fríða Jónasdóttir

Höfundur

Jón Már Halldórsson

líffræðingur

Tilvísun

Jón Már Halldórsson. „Hvað getur þú sagt mér um hellafiskinn Cryptotora thamicola?“ Vísindavefurinn, 22. ágúst 2018. Sótt 25. ágúst 2019. http://visindavefur.is/svar.php?id=72730.

Jón Már Halldórsson. (2018, 22. ágúst). Hvað getur þú sagt mér um hellafiskinn Cryptotora thamicola? Vísindavefurinn. Sótt af http://visindavefur.is/svar.php?id=72730

Jón Már Halldórsson. „Hvað getur þú sagt mér um hellafiskinn Cryptotora thamicola?“ Vísindavefurinn. 22. ágú. 2018. Vefsíða. 25. ágú. 2019. <http://visindavefur.is/svar.php?id=72730>.

Chicago | APA | MLA

Sendu inn spurningu
eða

Vísindadagatalið

Jónas R. Viðarsson

1971

Jónas R. Viðarsson er faglegur leiðtogi á sviði Rannsókna og Nýsköpunar hjá Matís ohf. þar sem hann fer fyrir faghóp er kallast „örugg virðiskeðja matvæla“. Rannsóknir Jónasar eru af ýmsum toga og snúa meðal annars að fiskveiðistjórnun, sjálfbærni, úrbótum í virðiskeðjum sjávarafurða og rekjanleika, svo fátt eitt sé talið.