Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Gætu ísbirnir lifað á Íslandi?

Öll spurningin hljóðaði svona:
Gætu ísbirnir lifað og þrifist á Íslandi?

Kjörveiðilendur hvítabjarna (Ursus maritimus) eru ísbreiður þar sem gnótt er af sel. Ef horft er til dreifingar hvítabjarna á norðurslóðum þá fylgir hún ísbreiðunni í Kanada, Síberíu, Grænlandi og svo nyrstu eyjum íshafsins. Þar getur björninn veitt sel við ísinn, aðallega hringanóra (Phoca hispida) eða kampsel (Erignathus barbatus).

Hér á landi er yfirleitt ekki lagnaðarís og þar af leiðandi ekki hentuguar aðstæðar fyrir hvítabirni til að veiða seli. Hvítabirnir eru stórar skepnur og þurfa því orkuríka fæðu.

Hvítabirnir gætu mögulega lifað hér á landi til skamms tíma kæmust þeir til dæmis í hvalreka.

Lengi hefur því verið álitið að Ísland liggi rétt fyrir sunnan útbreiðslumörk hvítabjarna og því ætti hann ekki að geta numið þar land miðað við núverandi aðstæður. Sennilega hafa ísbirnir lifað á þessum slóðum á síðasta jökulskeiði.

Það má ætla að hvítabirnir gætu lifað á Íslandi til skamms tíma ef þeir kæmust í eggver eða jafnvel hvalreka en ugglaust gæti stofn hvítabjarna ekki þrifist hér við land vegna skorts á rek- og lagnaðarís.

Mynd:

Útgáfudagur

10.7.2018

Spyrjandi

Ómar Ben-Amara

Höfundur

Jón Már Halldórsson

líffræðingur

Tilvísun

Jón Már Halldórsson. „Gætu ísbirnir lifað á Íslandi?“ Vísindavefurinn, 10. júlí 2018. Sótt 23. september 2018. http://visindavefur.is/svar.php?id=76037.

Jón Már Halldórsson. (2018, 10. júlí). Gætu ísbirnir lifað á Íslandi? Vísindavefurinn. Sótt af http://visindavefur.is/svar.php?id=76037

Jón Már Halldórsson. „Gætu ísbirnir lifað á Íslandi?“ Vísindavefurinn. 10. júl. 2018. Vefsíða. 23. sep. 2018. <http://visindavefur.is/svar.php?id=76037>.

Chicago | APA | MLA

Sendu inn spurningu
eða

Vísindadagatalið

Þórdís Þórðardóttir

1951

Þórdís Þórðardóttir er dósent í uppeldis- og menntunarfræði við Háskóla Íslands. Rannsóknir hennar eru innan mennta,- menningar og kynjafræða.