Hvað gerist ef sæstrengirnir við Ísland rofna?

Nafn þitt

Netfang þitt

Netfang móttakanda

Ruslpóstvörn =

Svar

Hvað gerist ef sæstrengirnir við Ísland rofna?
Ef allir sæstrengirnir á milli Íslands og annarra landa myndu rofna á sama tíma þá myndi það leiða til afar mikillar röskunar á lífi hér á landi. Aðgangur að alls konar gögnum sem nýtt eru hér innanlands en vistuð utanlands, í því sem stundum er kallað skýið, yrði mjög lítill og erfiður. Það myndi nánast lama margs konar vinnu. Greiðslumiðlun við útlönd og jafnvel innlend greiðslumiðlun myndi einnig raskast verulega þótt væntanlega yrði hægt að færa samskipti vegna hennar að einhverju marki yfir á varaleiðir um gervihnött. Aðgangur að efni á netinu yrði mjög takmarkaður og jafnvel tölvupóstur, skeytasendingar og símtöl til útlanda miklum vandkvæðum háð.

Þetta hefði því alls konar áhrif á daglegt líf og efnahagsstarfsemi. Hve lengi það myndi vara fer væntanlega fyrst og fremst eftir því hve langan tíma tæki að gera við sæstrengina. Til að lágmarka röskun vegna slíkra bilana eða skemmdarverka er hægt að grípa til ýmiss konar fyrirbyggjandi ráðstafana, til dæmis hafa marga strengi og góðan aðgang að varaleiðum um gervihnött, vista gögn eða að minnsta kosti afrit af þeim hér innanlands og hafa til reiðu innlendar varaleiðir fyrir kerfi sem almennt reiða sig á sítengingu við útlönd.

Lesendum er einnig bent á önnur svör sem fjalla um sama efni:

• Hvað gerist ef sæstrengur rofnar og hvað tekur viðgerð langan tíma?
• Hvað gerist ef allir sæstrengir sem tengja Ísland við umheiminn rofna samtímis?
• Hvað er til ráða ef allt fjarskiptasamband Íslands um sæstrengi rofnar?

Mynd:

• Farice.is. (Sótt 17.11.2020).

...