Mataræði er mikilvægur þáttur í því að byggja upp sterk bein. Bein er lifandi vefur og þarf eins og allir vefir líkamans á ýmsum næringarefnum að halda til þess að þroskast og vaxa eðlilega og til þess að viðhalda sér eftir að fullum vexti er náð. Styrkur beinagrindar byggist aðallega á kalksamböndum en í beinum eru 99% alls kalkforða líkamans eða samtals um 1 kg. Þar sem kúamjólk og kúamjólkurafurðir eru ríkar af kalki geta þær skipt miklu máli.
Það er auðvelt að fá nóg af kalki með því að neyta mjólkur og mjólkurafurða, en þessar vörur gáfu um 73% af kalki í fæðu landsmanna í síðustu neyslukönnun Manneldisráðs. Kalk er einnig að finna í smáfiskum eða síld þar sem beinin eru borðuð með, og svo í minna magni í sumu grænmeti og heilum kornvörum.
Það er þó alls ekki nóg að einblína á eitt næringarefni þegar kemur að beinþéttni, heldur eru það mörg næringarefni sem vinna saman að því að gera beinin sterk. Við verðum þannig einnig að fá fullnægjandi magn próteina, kalks, fosfórs, D-vítamíns, sinks, magnesíns, kopars, C-vítamíns og A-vítamíns en öll þessi efni og líklega fleiri til leggja sitt af mörkum til þess að styrkja beinin og gera þau heilbrigð og fjaðurmögnuð. Til dæmis nýtist kalkið okkur ekki nema við fáum nóg af D-vítamíni.
Aðrir þættir sem skipta máli þegar talað er um styrk beina eru erfðir, líkamsþyngd (það ekki er gott að vera mjög léttur) og reykingar, auk þess sem ýmsir sjúkdómar og lyf geta haft slæm áhrif. Til þess að öðlast sterk bein er regluleg hreyfing einnig lykilatriði.
Það má því segja að mjólk geti átt stóran þátt í að styrkja beinin, en fleira þarf að koma til.
Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Sólin
Rís 05:55 • sest 21:02
Tunglið
Rís 06:43 • Sest 00:25
Flóð
Árdegis: 08:11 • Síðdegis: 20:26
Fjara
Árdegis: 02:08 • Síðdegis: 14:17