Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Er suðusúkkulaði fitandi?

Mörgum þykir súkkulaði ómótstæðilegt og vita fátt betra en gæða sér á mola. Súkkulaði hefur líka ýmislegt sér til ágætis annað en gott bragð. Í svari Björns Sigurðar Gunnarssonar við spurningunni Hvaða áhrif hefur súkkulaði á líkamann? kemur meðal annars fram að dökkt súkkulaði er ágætis uppspretta járns, magnesíns og kopars og inniheldur einnig eitthvað af B-vítamínum. Auk ýmissa annarra efna inniheldur dökkt súkkulaði einnig töluvert magn fenólsambanda en þau eiga meðal annars að geta haft hjartaverndandi áhrif.



Mörgum reynist erfitt að standast súkkulaði en það getur vissulega bætt við nokkrum óþarfa hitaeiningum.

Hitt verður að hafa í huga að suðusúkkulaði, eins og annað súkkulaði, getur átt þátt í því að fólk fitnar ef þess er neytt í óhófi. Um þetta er meðal annars fjallað í áðurnefndu svari Björns en þar segir:
... súkkulaði er mjög orkuríkt og inniheldur mikið af mettaðri fitu. Í 100 grömmum (sem jafngildir einni súkkulaðiplötu) eru yfir 500 hitaeiningar (kcal), sem samsvarar rúmlega ¼ af daglegri orkuneyslu kvenna í síðustu landskönnun. Jákvætt orkujafnvægi, það er þegar orkuneysla er umfram orkuþörf, getur til lengri tíma litið leitt til þyngdaraukningar og offitu. Því er mikilvægt að neyta orku- og fituríkra matvæla á borð við súkkulaði í hófi, en þó er engin ástæða til að neita sér alveg um þessa gómsætu „fæðu guðanna”.

Mynd:

  • Elle. Sótt 12.8.2010.

Útgáfudagur

13.9.2010

Spyrjandi

Kristín Ólöf Þorðvarðardóttir

Höfundur

Tilvísun

EDS. „Er suðusúkkulaði fitandi?“ Vísindavefurinn, 13. september 2010. Sótt 19. nóvember 2019. http://visindavefur.is/svar.php?id=51424.

EDS. (2010, 13. september). Er suðusúkkulaði fitandi? Vísindavefurinn. Sótt af http://visindavefur.is/svar.php?id=51424

EDS. „Er suðusúkkulaði fitandi?“ Vísindavefurinn. 13. sep. 2010. Vefsíða. 19. nóv. 2019. <http://visindavefur.is/svar.php?id=51424>.

Chicago | APA | MLA

Sendu inn spurningu
eða

Vísindadagatalið

Hermann Þórisson

1952

Hermann Þórisson stundar rannsóknir í líkindafræði, einkum á sviði slembiferla og slembimála. Hann hefur meðal annars þróað hugtökin endurnýjun og jafnvægi og kannað eiginleika þeirra.