Senda inn spurningu
Sólin Sólin Rís 05:19 • sest 21:35 í Reykjavík
Tunglið Tunglið Rís 25:18 • Sest 04:56 í Reykjavík
Flóð Flóð Árdegis: 07:07 • Síðdegis: 19:24 í Reykjavík
Fjaran Fjara Árdegis: 01:08 • Síðdegis: 13:14 í Reykjavík
Visit the English version

Flokkun:

Náttúruvísindi og verkfræði Lífvísindi: dýrafræði

Geta ljón verið svört?

Jón Már Halldórsson

Svört afbrigði af stórköttum eru þekkt og er orsökin þá yfirleitt víkjandi gen. Svartir hlébarðar (Panthera pardus) eru best þekktu dæmin um svarta stórketti en einnig eru þekkt dökk afbrigði af tígrisdýrum (Panthera tigris). Ekki er vitað um mörg svört ljón (Panthera leo) en þó eru einhver tilfelli þekkt.

Til dæmis er talið að svart ljón hafi sést í Persíu (nú Íran) og var það skráð af breska fornleifafræðinginum Sir Henry Layard (1817-1894). Hann sagði frá því í dagbókum sínum að ljónið hafi verið dökkbrúnt að lit með stórum svörtum skellum víða á skrokknum. Ljón eru nú útdauð í Íran og því er ekki hægt að sannreyna með erfðafræðilegum hætti hvort þarna var um víkjandi gen að ræða.



Ljón eru venjulega brún að lit, engar myndir fundust af svörtu ljóni.

Annað dæmi er ljón sem fæddist í dýragarði í Skotlandi árið 1975, en það var að hluta til svart. Dýrafræðingar telja að í því tilviki hafi dýrið verið með einhvern sjúkdóm frekar en það hafi verið melanískt, það er raunverulega svart afbrigði. Dýrið var þar að auki ófrjótt og eignaðist því ekki afkvæmi.

Heimildir og mynd:

Höfundur

Jón Már Halldórsson

Jón Már Halldórsson

líffræðingur

Útgáfudagur

26.10.2011

Spyrjandi

Jórunn Narcisa Gutierrez, f. 2001

Efnisorð

Tilvísun

Jón Már Halldórsson. „Geta ljón verið svört?“ Vísindavefurinn, 26. október 2011. Sótt 25. apríl 2024. http://visindavefur.is/svar.php?id=60802.

Jón Már Halldórsson. (2011, 26. október). Geta ljón verið svört? Vísindavefurinn. Sótt af http://visindavefur.is/svar.php?id=60802

Jón Már Halldórsson. „Geta ljón verið svört?“ Vísindavefurinn. 26. okt. 2011. Vefsíða. 25. apr. 2024. <http://visindavefur.is/svar.php?id=60802>.

Chicago | APA | MLA

Tengd svör

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Geta ljón verið svört?
Svört afbrigði af stórköttum eru þekkt og er orsökin þá yfirleitt víkjandi gen. Svartir hlébarðar (Panthera pardus) eru best þekktu dæmin um svarta stórketti en einnig eru þekkt dökk afbrigði af tígrisdýrum (Panthera tigris). Ekki er vitað um mörg svört ljón (Panthera leo) en þó eru einhver tilfelli þekkt.

Til dæmis er talið að svart ljón hafi sést í Persíu (nú Íran) og var það skráð af breska fornleifafræðinginum Sir Henry Layard (1817-1894). Hann sagði frá því í dagbókum sínum að ljónið hafi verið dökkbrúnt að lit með stórum svörtum skellum víða á skrokknum. Ljón eru nú útdauð í Íran og því er ekki hægt að sannreyna með erfðafræðilegum hætti hvort þarna var um víkjandi gen að ræða.



Ljón eru venjulega brún að lit, engar myndir fundust af svörtu ljóni.

Annað dæmi er ljón sem fæddist í dýragarði í Skotlandi árið 1975, en það var að hluta til svart. Dýrafræðingar telja að í því tilviki hafi dýrið verið með einhvern sjúkdóm frekar en það hafi verið melanískt, það er raunverulega svart afbrigði. Dýrið var þar að auki ófrjótt og eignaðist því ekki afkvæmi.

Heimildir og mynd:

...