Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Hvaða fiskitegundir er hægt að veiða í kringum Ísland?

Á hafsvæðinu í kringum Ísland eru þekktar um 350 tegundir fiska. Það er þó langt frá því að allar þessar tegundir séu veiddar eða veiðanlegar. Margar þeirra eru sjaldséðar og koma ekki oft í veiðarfæri sjómanna.

Árið 2014 veiddu íslensk skip 57 fisktegundir á miðunum í kringum landið.

Þegar skoðaðar eru tölur yfir þær fisktegundir sem veiddar voru hér við land árið 2014 þá kemur í ljós að íslensk skip veiddu alls 57 tegundir fiska. Magnið er vissulega mismikið eftir tegundum en árið 2014 veiddu íslensku skipin mest af þorski á Íslandsmiðum eða 220 þúsund tonn. Næst mest var veitt af makríl, 155 þúsund tonn en þar á eftir komu loðna og síld en í kringum 100 þúsund tonn voru veidd af hvorri tegund.

Á hinum endanum eru dílamjóri (Lycodes esmarkii) og svartháfur (Centroscyllium fabricii) en íslensk skip komu aðeins með tvö kg af þessum tegundum að landi á síðasta ári.

Svartháfur (Centroscyllium fabricii) finnst við Íslandsstrendur en kemur afar sjaldan í veiðarfæri sjómanna.

Á vef Fiskistofu og eins á vef Hagstofunnar má skoða tölur um afla eftir tegundum og þar eru taldar upp flestar, ef ekki allar, tegundir sem veiddar eru af íslenskum skipum. Athugið að tölum ber ekki endilega alveg saman á þessum tveimur vefsvæðum þar sem forsendur geta verið mismunandi, til dæmis hvort um er að ræða afla á öllum miðum eða afmörkuðum veiðisvæðum.

Heimild:
  • Jónbjörn Pálsson, sérfræðingur á Hafrannsóknarstofnun - munnleg heimild.

Myndir:

Útgáfudagur

1.9.2015

Spyrjandi

Símon Björnsson

Höfundur

Jón Már Halldórsson

líffræðingur

Tilvísun

Jón Már Halldórsson. „Hvaða fiskitegundir er hægt að veiða í kringum Ísland?“ Vísindavefurinn, 1. september 2015. Sótt 20. ágúst 2017. http://visindavefur.is/svar.php?id=70447.

Jón Már Halldórsson. (2015, 1. september). Hvaða fiskitegundir er hægt að veiða í kringum Ísland? Vísindavefurinn. Sótt af http://visindavefur.is/svar.php?id=70447

Jón Már Halldórsson. „Hvaða fiskitegundir er hægt að veiða í kringum Ísland?“ Vísindavefurinn. 1. sep. 2015. Vefsíða. 20. ágú. 2017. <http://visindavefur.is/svar.php?id=70447>.

Chicago | APA | MLA

Sendu inn spurningu
eða

Vísindadagatalið

Kobbi kviðrista

Kobbi kviðrista, eða Jack the Ripper, er einn þekktasti raðmorðingi allra tíma. Árið 1888 myrti hann að minnsta kosti fimm manns, allt vændiskonur. Raunar er nafn hans aðeins uppspuni. Enginn veit hvað hann hét í raun því að morðin voru aldrei upplýst. Kobbi kviðrista framdi öll morðin með því að skera fórnarlömbin á háls.