Af hverju hafa hundar klær?

Nafn þitt

Netfang þitt

Netfang móttakanda

Ruslpóstvörn =

Svar

Af hverju hafa hundar klær?
Þótt heimilishundurinn sjáist ekki mikið beita klónum þá hafa þær örugglega verið mjög mikilvægar fyrir tegundina fyrr á tímum.

Eitt af einkennum rándýra og annarra dýra sem stunda ránlífi eru klær. Þær komu fram tiltölulega snemma í þróunarsögu dýra, til að mynda höfðu frumstæð skriðdýr sem voru forfeður risaeðla fyrir um 275 milljón árum með klær. Því má segja að klær séu upprunalegir eiginleikar margra dýra sem stunda ránlífi.

Hundar eru af ættbálki rándýra (Carnivora) líkt og birnir, kettir og ýmis önnur dýr. Spyrjandi veltir fyrir sér af hverju þeir hafi klær. Eflaust af sömu ástæðu og önnur rándýr í nútímanum og í grárri forneskju: til þess að grípa í bráð og ná tökum á henni. Þeir sem horfa á náttúrulífsþætti hafa örugglega séð ljón veiða stóra bráð eins og sebrahest. Þá sést vel hvernig klærnar gegna því hlutverki að ná tökum á bráðinni og draga hana niður þannig að hægt sé að komast að hálsi hennar eða snoppu. Úlfar gera það sama en úlfar og hundar eru náskyldir hópar og teljast af mörgum dýrafræðingum til sömu tegundar.

Mynd:

• Diggin' Paws | This dog was made for diggin. Just one look a… | Flickr. (Sótt 16. 10. 2017).

...