Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Vísindafélag Íslendinga - 100 ára

Hvað hefur vísindamaðurinn Sigurður Steinþórsson rannsakað?

Sigurður Steinþórsson er prófessor emeritus við Háskóla Íslands í jarðfræði, með berg- og jarðefnafræði sem sérgreinar.

Fræðin nam hann í St. Andrews í Skotlandi (B.Sc. Honours) og Princeton, Bandaríkjunum (Ph.D.) á árunum 1960-70. Á þeim áratug varð bylting í heimsmynd jarðfræðinnar þar sem landrek í formi flekahreyfinga (1968) varð almennt viðurkennt en áður voru láréttar hreyfingar jarðskorpunnar taldar óhugsandi. Í framhaldi af því tók við endurskoðun og ný túlkun jarðfræðinnar víða um lönd, ekki síst hér á landi því Ísland er mikilvægt í „nýju jarðfræðinni“ – heitur reitur á rekhrygg.

Sigurður Steinþórsson er prófessor emeritus við Háskóla Íslands í jarðfræði, með berg- og jarðefnafræði sem sérgreinar.

Sigurður tók þátt í að kynna „nýju jarðfræðina“ hér á landi, túlka samsetningu og dreifingu basaltgerða landsins í ljósi hennar og skýra uppruna súra bergsins með nýjum hætti. Þess utan hefur hann ásamt samstarfsmönnum fengist við rannsóknir á uppruna og þróun bergtegunda, bæði fræðilega og með tilraunum.

Sigurður hefur meðal annars skrifað um gjóskulagatímatal kringum Snæfellsjökul og í ískjarna Bárðarbungu, um segulsteindir og segulfrávik í Stardal og á reikistjörnunni Mars, um glerinnlyksur í kristöllum, um oxunarferli og hraða þeirra í bergkviku, um hraða landmótunar, myndun meginlandsskorpu og sögu jarðfræðinnar.

Á Vísindavef Háskóla Íslands er hægt að lesa fjölmörg svör eftir Sigurð.

Mynd:

Útgáfudagur

19.4.2018

Spyrjandi

Ritstjórn

Höfundar

Ritstjórn Vísindavefsins

Tilvísun

Ritstjórn Vísindavefsins og Vísindafélag Íslendinga. „Hvað hefur vísindamaðurinn Sigurður Steinþórsson rannsakað?“ Vísindavefurinn, 19. apríl 2018. Sótt 20. júlí 2018. http://visindavefur.is/svar.php?id=75528.

Ritstjórn Vísindavefsins og Vísindafélag Íslendinga. (2018, 19. apríl). Hvað hefur vísindamaðurinn Sigurður Steinþórsson rannsakað? Vísindavefurinn. Sótt af http://visindavefur.is/svar.php?id=75528

Ritstjórn Vísindavefsins og Vísindafélag Íslendinga. „Hvað hefur vísindamaðurinn Sigurður Steinþórsson rannsakað?“ Vísindavefurinn. 19. apr. 2018. Vefsíða. 20. júl. 2018. <http://visindavefur.is/svar.php?id=75528>.

Chicago | APA | MLA

Sendu inn spurningu
eða

Vísindadagatalið

Rósettusteinninn

Hermenn Napóleons Bónapartes fundu Rósettusteininn í júlí 1799, nálægt egypsku borginni Rosetta sem í dag ber nafnið Rashid. Á steininn er sami texti letraður á þremur mismunandi ritmálum: fornegypsku myndletri eða híeróglýfum, yngra egypsku letri og loks grísku. Steinninn gerði mönnum kleift að ráða egypska myndletrið. Rósettusteinninn er til sýnis í Breska safninu í London.