Af hverju fellur íslenska krónan meira en gjaldmiðlar nágrannalanda á tímum COVID-19?

Nafn þitt

Netfang þitt

Netfang móttakanda

Ruslpóstvörn =

Svar

Af hverju fellur íslenska krónan meira en gjaldmiðlar nágrannalanda á tímum COVID-19?
Öll spurningin hljóðaði svona:

Nú þegar kóvit-19 gengur yfir heimsbyggðina með miklum áhrifum á viðskipti og fjárhag allra ríkja, þá tekst íslensku krónunni að falla meira í verði en gjaldmiðlar í nágrannalöndum okkar. Er til einföld skýring á því hvers vegna íslenska krónan fellur meira hér en í löndum sem eru að berjast við sömu efnahagslegu áhrif af heimsfaraldrinum og við?

Á þessu eru væntanlega fyrst og fremst tvær skýringar.

Sú fyrri er að samdráttur útflutningstekna hefur verið nokkuð meiri hérlendis en víðast hvar annars staðar, vegna mikils vægis ferðaþjónustu í íslensku efnahagslífi. Sá afgangur sem verið hefur á viðskiptajöfnuði undanfarinn áratug eða svo hefur því sem næst horfið. Það ætti að öðru jöfnu að veikja gengi krónunnar. Þannig áætlar Hagstofa Íslands til dæmis nú í þjóðhagsspá sinni frá 1. október 2020 að viðskiptajöfnuður ársins í ár, 2020, verði jákvæður um sem samsvarar 1,8% af vergri landsframleiðslu en hafi verið 6% árið 2019.

Sú síðari er að á miklum óvissutímum hafa fjárfestar tilhneigingu til að sækja í það sem þeir skynja sem öruggar eignir, til dæmis ríkisskuldabréf í dollurum, evrum eða jenum. Það getur kallað á veikingu smærri gjaldmiðla.

Frekara lesefni:

• Þjóðhagsspá að vetri 2020 - Hagstofa Íslands. (Sótt 10.11.2020).

Mynd:

• File:COVID-19 testing tent at Rigshospitalet, Denmark.jpg - Wikimedia Commons. (Sótt 10.11.2020).

...