Hvernig eru undirliggjandi sjúkdómar skilgreindir?

Nafn þitt

Netfang þitt

Netfang móttakanda

Ruslpóstvörn =

Svar

Hvernig eru undirliggjandi sjúkdómar skilgreindir?
Undirliggjandi sjúkdómar eru sjúkdómar, oftast langvinnir, sem geta haft áhrif á afdrif viðkomandi sjúklings þegar aðrir sjúkdómar eða læknismeðferð koma til sögunnar. Þetta hefur oft borið á góma í umræðunni um kórónuveirufaraldurinn og þá sérstaklega um það hvort einhverjir undirliggjandi sjúkdómar hafi áhrif á alvarleika COVID-19-sjúkdómsins.

Ýmsir undirliggjandi sjúkdómar auka hættu á alvarlegum veikindum vegna COVID-19 og þar vega einna þyngst hjarta- og æðasjúkdómar og lungnasjúkdómar en margir fleiri sjúkdómar geta skipt máli.^[1] COVID-19 er nýr sjúkdómur og stöðugt eru að koma fram nýjar upplýsingar um eðli hans og hvernig hann hagar sér við ýmis konar aðstæður.

Stundum auka undirliggjandi sjúkdómar hættu á að aðrir sjúkdómar búi um sig. Hér væri hægt að nefna fjölda dæma og má þar nefna að sykursýki eykur hættu á æðaskemmdum víðs vegar í líkamanum sem geta til dæmis leitt til kransæðasjúkdóms eða lélegs blóðflæðis til útlima.

Undirliggjandi sjúkdómar geta skemmt lifur eða nýru og þannig haft áhrif á það hvernig lyf verka. Þessi líffæri vega þungt þegar kemur að því að gera lyf óvirk og losa þau úr líkamanum. Við truflun á þessari starfsemi geta lyf haft meiri verkun eða jafnvel öðruvísi verkun en sést hjá heilbrigðum.

Þó að yngra fólk geti haft undirliggjandi sjúkdóma er stór hluti eldri borgara með einn eða fleiri slíka sjúkdóma og þess vegna er mikilvægt að allir séu meðvitaðir um þá sjúkdóma sem hrjá þá.

Tilvísun:

1. ^ Certain Medical Conditions and Risk for Severe COVID-19 Illness. (Sótt 17.02.2021).

Mynd:

• SPECIALIST Fifth Class Jesse Birt of Medical Co. B prepares a patient's arm for a cast at Tripler Army Medical Center - U.S. National Archives Public Domain Image. (Sótt 17.02.2021).

...