Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hver er þessi Vakthafandi Læknir sem alltaf er talað við og vitnað í þegar fjölmiðlamenn segja fréttir af slösuðu eða veiku fólki?

Það sem við teljum okkur vita vita um Vakthafandi Lækni (VL) er að hann á heima á Stökustað sem oft er minnst á í veðurfréttum. Nánar tiltekið eru hnit hans sem hér segir:
Vakthafandi Læknir

Séstvallagötu 13

999 Stökustað

Sími 7913000, t-póstur rinkeal@idnafahtkav.org
Eins og ráða má af tölvupóstfanginu kemur það fyrir að VL æpir, enda fullyrða norskir lögreglumenn að hann hafi stolið Ópinu eftir norska spaugarann Munch, en um hann höfum við fjallað í löngu máli áður á Vísindavefnum. Vakthafandi Læknir er smekkmaður og drekkur eingöngu vígt vatn. Eins og glöggir áheyrendur vita er "honum" þágufallsjúkur með eindæmum enda étur hann mörgæsir. Í sumarfríum hefur sést til hans á Mont-Ras sem er vinsæll staður meðal hollenskra náttúruunnenda.


Vakthafandi læknir í góðra vina hópi, líklega staddur á Mont-Ras. Þetta er eina myndin sem vitað er til að hafa náðst af Vakthafandi Lækni.

Þegar hann er ekki á tali við fjölmiðlamenn sönglar hann Bimbi rimbi rimm bamm og stærðfræðingar telja að hann sé eini maðurinn sem hafi reiknað út hornasummu einhyrnings með því að nota eingöngu frumtölur.

Við ráðleggjum öllum þeim sem vilja hitta Vakthafandi Lækni að halda í vestur og komast þannig fyrir austan sól og sunnan mána. Ef menn nenna því ekki þá geta þeir reynt að troða sér um tær og prófað að sitja einhvers staðar annars staðar en á rassinum með því að fylgja leiðbeiningum Vísindavefsins.

Upphafið á spurningunni hljóðaði svona:
Ég hef tekið eftir að þið virðist hafa svar við ótrúlegustu spurningum. Það hefur verið mjög fróðlegt að lesa svörin ykkar og virðist viskubrunnurinn vera ótæmandi.

Það er eitt sem hefur valdið mér smá hugarangri um þónokkra hríð. Það er alveg sama hvern ég spyr, enginn virðist þekkja manninn né vita nokkur deili á honum. Þess vegna langar mig til að freista þess að viskubrunnur ykkar sé yfirfullur sem fyrr og að þið getið svara mér og gefið mér einhverjar upplýsingar um það hver þessi frægi læknir er.

Mynd:


Í stuttu spjalli við Vakthafandi Lækni rétt áðan kom fram að allt sem hér stendur er markleysa, enda er þetta föstudagssvar. Taki einhverjir lesendur þetta svar alvarlega er það alfarið á þeirra ábyrgð.

Útgáfudagur

20.6.2008

Spyrjandi

Arnór Bjarki Blomsterberg

Höfundur

Tilvísun

Ritstjórn Vísindavefsins. „Hver er þessi Vakthafandi Læknir sem alltaf er talað við og vitnað í þegar fjölmiðlamenn segja fréttir af slösuðu eða veiku fólki?“ Vísindavefurinn, 20. júní 2008. Sótt 14. desember 2019. http://visindavefur.is/svar.php?id=48179.

Ritstjórn Vísindavefsins. (2008, 20. júní). Hver er þessi Vakthafandi Læknir sem alltaf er talað við og vitnað í þegar fjölmiðlamenn segja fréttir af slösuðu eða veiku fólki? Vísindavefurinn. Sótt af http://visindavefur.is/svar.php?id=48179

Ritstjórn Vísindavefsins. „Hver er þessi Vakthafandi Læknir sem alltaf er talað við og vitnað í þegar fjölmiðlamenn segja fréttir af slösuðu eða veiku fólki?“ Vísindavefurinn. 20. jún. 2008. Vefsíða. 14. des. 2019. <http://visindavefur.is/svar.php?id=48179>.

Chicago | APA | MLA

Sendu inn spurningu
eða

Vísindadagatalið

Ólöf Guðný Geirsdóttir

1968

Ólöf Guðný Geirsdóttir er dósent í næringarfræði við Matvæla- og næringarfræðideild HÍ. Meginviðfangsefni hennar eru næringarástand aldraðra ásamt rannsóknum á áhrifum næringar á farsæla öldrun.