Er hægt að kalla allar lífverur í sjónum fiska?

Nafn þitt

Netfang þitt

Netfang móttakanda

Ruslpóstvörn =

Svar

Er hægt að kalla allar lífverur í sjónum fiska?
Í heild hljóðar spurningin svona:

Er hægt að kalla allar lífverur í sjónum fiska, þ.e. er það samheitið. Er til dæmis hægt að segja að svif og áta séu líka fiskar?

Stutta svarið við þessari spurningu er nei. Lífið í hafinu er margbreytilegt og svifið, það er dýrasvifið, inniheldur egg og seyði fiska ásamt krabbadýrum og litlum ormum, marglyttum, hveljum og fleiru.

Fiskur er samheiti yfir mjög fjölbreyttan hóp lífvera sem lifir í sjó og vötnum um allan heim. Fiskar eru einn útbreiddasti hópur hryggdýra sem fyrirfinnst en hryggdýr eru meðal annarra menn, hvalir, eðlur og fuglar. Þessi dýr eiga það sameiginlegt öðru fremur að styrkur hryggur umvefur viðkvæma mænuna.

Önnur sjávardýr hafa vissulega mörg hver sterkt stoðkerfi til varnar mjúkum vefjum og þar eru krabbar eitt best þekkta dæmið enda ganga þeir um með „beinagrindina“ utan á sér. En krabbar eru ekki fiskar og ekki heldur frænka þeirra, átan, sem er, vel að merkja, stærsti dýrahópurinn í hafinu ef miðað er við heildarþyngd alls stofnsins. Samt dettur engum í hug að kalla allar lífverur í hafinu rækjur.

Fiskar eru svo fjarskyldir þessum nágrönnum sínum að þeir eru nær grameðlu á ættartré lífsins heldur en marflónum í fjöruþanginu. Í raun eiga öll hryggdýr ættmóður eða sameiginlegan forföður í hafinu. Því má slá á létta strengi og segja að við séum öll fiskar inn við beinið.

Mynd:

• Moon jellyfish at Gota Sagher - Aurelia aurita - Wikipedia, the free encyclopedia. Höfundur myndar: Alexander Vasenin. Birt undir Creative Commons Attribution-ShareAlike 3.0 leyfi. (Sótt 12. 1. 2015).

...