Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Er hægt að kalla allar lífverur í sjónum fiska?

Í heild hljóðar spurningin svona:
Er hægt að kalla allar lífverur í sjónum fiska, þ.e. er það samheitið. Er til dæmis hægt að segja að svif og áta séu líka fiskar?

Stutta svarið við þessari spurningu er nei. Lífið í hafinu er margbreytilegt og svifið, það er dýrasvifið, inniheldur egg og seyði fiska ásamt krabbadýrum og litlum ormum, marglyttum, hveljum og fleiru.

Marglyttur eru sjávardýr en alls ekki fiskar.

Fiskur er samheiti yfir mjög fjölbreyttan hóp lífvera sem lifir í sjó og vötnum um allan heim. Fiskar eru einn útbreiddasti hópur hryggdýra sem fyrirfinnst en hryggdýr eru meðal annarra menn, hvalir, eðlur og fuglar. Þessi dýr eiga það sameiginlegt öðru fremur að styrkur hryggur umvefur viðkvæma mænuna.

Önnur sjávardýr hafa vissulega mörg hver sterkt stoðkerfi til varnar mjúkum vefjum og þar eru krabbar eitt best þekkta dæmið enda ganga þeir um með „beinagrindina“ utan á sér. En krabbar eru ekki fiskar og ekki heldur frænka þeirra, átan, sem er, vel að merkja, stærsti dýrahópurinn í hafinu ef miðað er við heildarþyngd alls stofnsins. Samt dettur engum í hug að kalla allar lífverur í hafinu rækjur.

Fiskar eru svo fjarskyldir þessum nágrönnum sínum að þeir eru nær grameðlu á ættartré lífsins heldur en marflónum í fjöruþanginu. Í raun eiga öll hryggdýr ættmóður eða sameiginlegan forföður í hafinu. Því má slá á létta strengi og segja að við séum öll fiskar inn við beinið.

Mynd:

Útgáfudagur

20.1.2015

Spyrjandi

Sigurbjörg Haraldsdóttir

Höfundur

Valtýr Sigurðsson

MS-nemi í líffræði við Háskóla Íslands

Tilvísun

Valtýr Sigurðsson. „Er hægt að kalla allar lífverur í sjónum fiska? “ Vísindavefurinn, 20. janúar 2015. Sótt 24. maí 2017. http://visindavefur.is/svar.php?id=64137.

Valtýr Sigurðsson. (2015, 20. janúar). Er hægt að kalla allar lífverur í sjónum fiska? Vísindavefurinn. Sótt af http://visindavefur.is/svar.php?id=64137

Valtýr Sigurðsson. „Er hægt að kalla allar lífverur í sjónum fiska? “ Vísindavefurinn. 20. jan. 2015. Vefsíða. 24. maí. 2017. <http://visindavefur.is/svar.php?id=64137>.

Chicago | APA | MLA

Sendu inn spurningu
eða

Vísindadagatalið

Vasareiknir

Fyrstu örgjörvarnir voru smíðaðir upp úr 1970 og í kjölfarið var hægt að búa til litlar reiknivélar eða vasareikna. Fyrstu vasareiknarnir voru búnir til í Japan, m.a. af fyrirtækjunum Sanyo, Canon og Sharp. Fyrstu vasareiknarnir sem notendur gátu forritað komu fram 1974.