Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Hvað varð elsta kind á Íslandi gömul, hvað átti hún mörg lömb og hver er mesti lambafjöldi hjá einni kind á Íslandi?

Það þekkist að ær séu sexlembdar og vitað er um dæmi þar sem öll lömbin hafa lifað. Í þeim tilvikum ganga þau ekki öll undir ána enda geta kindur tæplega fætt fleiri en tvö lömb með góðu móti því þær hafa aðeins tvo spena. Þó eru til dæmi um að vel hafi gengið að láta þrjú lömb ganga undir.

Þekkt eru dæmi um sexlembdar ær, en það merkir að ærnar beri sex lömbum.

Hæsti staðfesti aldur sauðkindar er 18 ár en ekki er vitað hvað hún bar mörgum lömbum. Kindur fara að missa tennur á efri árum og geta þá ekki lengur bitið gras. Fæstar kindur á sauðfjárbúum eru látnar lifa lengur en átta til níu ár en afurðirnar minnka með hækkandi aldri. En alltaf eru einstök dæmi um gripi sem lifa lengur. Þegar kindur eru orðnar 14-15 ára gamlar eða eldri er oftar en ekki um að ræða einhvers konar uppáhaldskindur, sem eru hafðar heima við bæi og ekki settar undir hrúta ‒ nokkurs konar gæludýr. Ef þær eru farnar að missa tennur og geta ekki bitið, þarf að gefa þeim annað fóður.

Hæsti staðfesti aldur sauðkindar er 18 ár. Ekki er vitað hvað sú ær bar mörgum lömbum.

Mesti lambafjöldi sem vitað er um hjá einni kind er 30. Það þykir verulegt, enda er meðaldur kinda innan við 10 ár, auk þess sem flestar ær bera einungis einu lambi vorið sem þær verða ársgamlar, það er gemlingsárið.

Sigurði Eyþórssyni, framkvæmdastjóra hjá Landssamtökum sauðfjárbænda, er þakkað innilega fyrir veittar upplýsingar.

Myndir:

Útgáfudagur

11.6.2013

Spyrjandi

Sylvía Ösp Jónsdóttir, f. 1998

Höfundur

Jón Már Halldórsson

líffræðingur

Tilvísun

Jón Már Halldórsson. „Hvað varð elsta kind á Íslandi gömul, hvað átti hún mörg lömb og hver er mesti lambafjöldi hjá einni kind á Íslandi?“ Vísindavefurinn, 11. júní 2013. Sótt 22. september 2017. http://visindavefur.is/svar.php?id=65302.

Jón Már Halldórsson. (2013, 11. júní). Hvað varð elsta kind á Íslandi gömul, hvað átti hún mörg lömb og hver er mesti lambafjöldi hjá einni kind á Íslandi? Vísindavefurinn. Sótt af http://visindavefur.is/svar.php?id=65302

Jón Már Halldórsson. „Hvað varð elsta kind á Íslandi gömul, hvað átti hún mörg lömb og hver er mesti lambafjöldi hjá einni kind á Íslandi?“ Vísindavefurinn. 11. jún. 2013. Vefsíða. 22. sep. 2017. <http://visindavefur.is/svar.php?id=65302>.

Chicago | APA | MLA

Sendu inn spurningu
eða

Vísindadagatalið

Kóran

Múslímar telja að Kóraninn hafi vitrast Múhameð spámanni smám saman á um 20 ára tímabili, frá 609 til 632 að vestrænu tímatali. Helstu fyrirmæli Kóransins eru sameiginleg öllum múslímum, vitnisburðurinn um að aðeins sé til einn guð og Múhameð sé spámaður hans, bænahald fimm sinnum á dag, fastan í Ramadan-mánuðinum, ölmusugjafir, og loks pílagrímsförin til Mekka.