Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Hvers vegna valda rúsínur vindgangi?

Rúsínur eru þurrkuð vínber og innihalda um 60-70% ávaxtasykur, auk steinefna og trefja. Í rúsínum er engin fita. Flestar fæðutegundir sem innihalda sykrur geta valdið vindgangi.

Eðlileg losun á loftegundum um endaþarmsopið er talin vera um 14 til 23 skipti á dag.

Ástæðan er sú að líkaminn getur ekki melt og tekið upp sumar tegundir kolvetna í smáþörmum vegna skorts á réttum meltingarensímum. Ómelt fæðan berst þá í ristilinn en þar sundra bakteríur henni og mynda um leið vetni og koltvíildi (koltvíoxíð). Í um þriðjungi manna myndast einnig metan en ekki er vitað af hverju það myndast í sumum en öðrum ekki. Loftegundirnar berast síðan út um endaþarmsopið sem prump.

Lyktin sem fylgir stundum vindgangi stafar af brennisteinssamböndum sem sumar bakteríur í ristlinum mynda.

Flestir mynda um hálfan til einn og hálfan lítra af lofti á dag og losa það um 14 sinnum yfir daginn. Eðlileg losun á lofti um endaþarmsopið er talin vera frá 14 skiptum upp í 23 skipti.

Hægt er að lesa meira um vindgang í ýtarlegu svari Þuríðar Þorbjarnardóttur við spurningunni Hvað veldur vindgangi? en þetta svar byggir einmitt á því.

Mynd:

Útgáfudagur

29.9.2009

Spyrjandi

Linda Björk Árnadóttir, f. 1994

Höfundur

Tilvísun

JGÞ. „Hvers vegna valda rúsínur vindgangi?“ Vísindavefurinn, 29. september 2009. Sótt 13. desember 2017. http://visindavefur.is/svar.php?id=53750.

JGÞ. (2009, 29. september). Hvers vegna valda rúsínur vindgangi? Vísindavefurinn. Sótt af http://visindavefur.is/svar.php?id=53750

JGÞ. „Hvers vegna valda rúsínur vindgangi?“ Vísindavefurinn. 29. sep. 2009. Vefsíða. 13. des. 2017. <http://visindavefur.is/svar.php?id=53750>.

Chicago | APA | MLA

Sendu inn spurningu
eða

Vísindadagatalið

Leiklist

Hægt er að rekja þróun vestrænnar leiklistar og leikritunar til Forngrikkja. Uppruni grískrar leiklistar er á huldu en sennilega varð leiklistin til um miðja 6. öld f.Kr. Leikrit Grikkja voru af þrennu tagi: harmleikir, bukkaleikir (eða satýrleikir) og skopleikir. Gríski heimspekingurinn Aristóteles hélt því fram að það væri manninum eðlislægt að herma eftir öðrum.