Hver voru vinsælustu svörin á Vísindavefnum árið 2014?

Nafn þitt

Netfang þitt

Netfang móttakanda

Ruslpóstvörn =

Svar

Hver voru vinsælustu svörin á Vísindavefnum árið 2014?
Árið 2014 var birt 431 svar við spurningum á Vísindavefnum. Sú tala segir þó ekki allt um það hversu mörgum spurningum var svarað það árið.

Oft spyrja notendur Vísindavefsins spurninga sem ekki er til birt svar við á Vísindavefnum. En svarið er kannski að finna í öðru svari um skylt efni. Þá senda starfsmenn vefsins þeim það svar. Eitt birt svar á vefnum getur stundum svarað nokkrum spurningum. Svarið við spurningunni Hvernig verða frumeindir til? svarar til dæmis einnig tíu öðrum spurningum og svarið við spurningunni Hvað er hnetuofnæmi og er til einhver lækning við því? tekur til sex annarra spurninga líka.

Heildartala birtra svara á Vísindavefnum í árslok 2014 var 10.629 svör. Frekari fróðleik um fjölda birtra svara er að finna í svari við spurningunni Hvað eru til svör við mörgum spurningum á Vísindavefnum?

Í hverjum mánuði birtir Vísindavefurinn yfirlit yfir vinsælustu svörin. Svörin sem lentu í efstu sætum í hverjum mánuði gefa ágætt yfirlit yfir vinsæl svör árið 2014. Eitt þeirra var reyndar í fyrsta sæti í tveimur mánuðum, svarið um ebóluveiruna:

• desember: Hver var Sara sem sörur eða sörukökur eru kenndar við?
• nóvember: Er skynsamlegt að hækka hita í ofnum vegna mengunar frá eldgosinu eða vegna annarrar mengunar?
• október og ágúst: Hvað er ebóluveiran?
• september: Hversu margir væru Íslendingar ef allar þessar hamfarir hefðu ekki gengið yfir okkur frá landnámi?
• júlí: Hvaða yfirráðarétt hefur Ísrael á hernumdum svæðum Palestínu? Hvernig hefur alþjóðasamfélagið tjáð sig um þessi yfirráð?
• júní: Hvort erum við með augabrúnir eða augabrýr?
• maí: Þegar mér er bumbult, er mér þá ult í bumbinu eða bult í umbinu?
• apríl: Er illu best aflokið?
• mars: Af hverju bulla stjórnmálamenn svona mikið?
• febrúar: Mun ljósgeisli í kúlulaga speglaherbergi endurkastast endalaust og aldrei slokkna?
• janúar: Af hverju fylgja litlar kísilkúlur í hvítum pokum oft með hlutum eins og til dæmis kíkjum?

Sé árið í heild sinni skoðað sjást einnig ýmis önnur svör sem lesendur Vísindavefsins lásu mikið. Af þeim lista birtum við til fróðleiks fimmtán svör:

• Hvað er „vanvirkur skjaldkirtill“ og hvað er til ráða?
• Af hverju fær maður hálsbólgu og kunnið þið einhver góð ráð við henni?
• Íslenskar gæsalappir eru „svona“, en hvar finn ég '„' á íslenska lyklaborðinu?
• Hvar er hægt að finna flóðatöflu á Netinu?
• Af hverju geta Ísraelar og Palestínumenn ekki lifað saman í sátt og samlyndi?
• Hvað er fjörfiskur og hvað er til ráða?
• Hvað er hvíldarpúls og hvað getur hann orðið hægur?
• Hvernig get ég fundið hver tímamunurinn er á Íslandi og öðrum löndum eða stöðum í heiminum?
• Hversu oft slær hjartað á mínútu?
• Hvernig losnar maður við silfurskottur?
• Af hverju koma silfurskottur í hús? Tengist það rakaskemmdum eða leka?
• Hvað veldur vindgangi?
• Hvað heita kertin fjögur á aðventukransinum?
• Hvernig útskýrir maður aðferðafræði félagsvísinda?
• Get ég fengið að sjá rúnastafrófið eins og það var á Íslandi?

Mynd:

• File:Ebola Virus (5).jpg - Wikimedia Commons. (Sótt 2.01.2015).

...