Hver voru vinsælustu svör ársins 2017 á Vísindavefnum?

Nafn þitt

Netfang þitt

Netfang móttakanda

Ruslpóstvörn =

Svar

Hver voru vinsælustu svör ársins 2017 á Vísindavefnum?
Vísindavefur HÍ birti alls 334 svör árið 2017. Auk þess var fjölmörgum fyrirspurnum svarað með því að vísa lesendum á efni sem til er og sumum spurningum var svarað beint, bæði með tölvupósti og símtölum.

Það er rétt að minna á að oft munar ekki miklu á „mest lesna“ svarinu og öðrum svörum sem margir lesendur skoða. Ekki er óalgengt að á hverjum degi séu rúmlega 3.000 svör opnuð á Vísindavefnum og í einum mánuði getur talan nálgast 11.000 sem fer nærri heildarfjölda svara á Vísindavefnum.

Heildarfjöldi gesta árið 2017 var samkvæmt talningu Modernus 738.093 og hafði gestum fjölgað um 7% frá árinu 2016, eða rétt tæp 50.000. Sama er að segja um bæði innlit og flettingar árið 2017. Innlit jukust um rétt rúmlega 245.000 og flettingar um rúmlega 263.000.

Ef skoðaðar eru sérstaklega tölur yfir meðalfjölda gesta í hverjum mánuði, en þar er beitt annarri aðferð við talningu en þegar árið í heild sinni er talið, þá heimsóttu að meðaltali 103.000 gestir Vísindavefinn í hverjum mánuði árið 2017. Þar nemur aukingin heilum 10% frá árinu 2016. Flestir gestir komu inn á Vísindavefinn í nóvembermánuði árið 2017, alls 124.055.

Vísindavefurinn var í 9. sæti yfir vinsælustu vefi landsins árið 2017 í samræmdri vefmælingu hjá Modernus.

Til að gefa lesendum hugmynd um vinsælustu svör ársins 2017 birtum við hér lista yfir mest lesnu nýju svörin í hverjum mánuði, ásamt upplýsingum um höfunda. Fyrir neðan þennan lista er svo hægt að skoða önnur svör sem einnig voru mikið lesin á Vísindavefnum.

Mánuður	Svar	Höfundur
Janúar	Er bannað að ljúga á Alþingi?	Iðunn Garðarsdóttir
Febrúar	Gera „hitakrem“ eitthvað gagn við bólgum?	Atli Jósefsson
Mars	Hvernig geta miklar snjóhengjur skagað heillangt niður af húsþökum án þess að slitna í sundur?	Helgi Björnsson
Apríl	Telja vísindamenn að það sé gagnlegt að „rúlla“ vöðva eftir æfingar?	Sólveg Ása Árnadóttir
Maí	Er það rétt sem ég lærði í grunnskóla að sauðfé hafi eytt skógum landsins?	Bryndís Marteinsdóttir
Júní	Af hverju var bjór bannaður á sínum tíma en annað áfengi leyft?	Helgi Gunnlaugsson
Júlí	Hversu djúpt hefur verið borað niður í jörðina?	Emilía Dagný Sveinbjörnsdóttir
Ágúst	Hvaðan kemur nafnið á kökunni hjónabandssæla?	Guðrún Kvaran
September	Er mikill munur á vindhraða í lægðum sem koma yfir Ísland og fellibyljum sem ganga yfir Ameríku?	Trausti Jónsson
Október	Er höfuðborgarsvæðið orðið að sérnafni og ritað með stórum staf?	Jóhannes B. Sigtryggsson
Nóvember	Hvers vegna heitir fremsti hluti typpisins kóngur?	Guðrún Kvaran
Desember	Kemur ekki gífurleg mengun af öllum þessum flugeldum um áramótin?	Hrund Ólöf Andradóttir og Þröstur Þorsteinsson

Af nokkrum eldri svörum sem mikið voru lesin árið 2017 má meðal annars nefna:

• Hvort er réttara að tala um uppreisn æru eða uppreist æru? eftir Eirík Rögnvaldsson.
• Hvað er að hljóta uppreist æru í lagalegum skilningi? eftir Árna Helgason.
• Hvað er vitað um eldstöðina í Öræfajökli? eftir Ármann Höskuldsson.
• Hvert er elsta berg landsins? eftir Snæbjörn Guðmundsson.
• Getum við seinkað klukkunni á Íslandi og fengið þannig fleiri birtustundir yfir daginn? eftir Þorstein Sæmundsson og Gunnlaug Björnsson.
• Hvað er stokkhólmsheilkenni? eftir Arndísi Vilhjálmsdóttur.
• Kúka hvalir? eftir Eddu Elísabetu Magnúsdóttur og Jón Má Halldórsson.
• Hvað ætlaði Alfred Wegener að mæla með stöplinum á Arnarneshæð 1930? eftir Sigurð Steinþórsson.
• Hvernig væri heimurinn ef allir væru grænmetisætur? eftir Rannveigu Magnúsdóttur.
• Af hverju eru páskarnir ekki alltaf á sama tíma? eftir Þorstein Vilhjálmsson.
• Er hægt að deyja úr leiðindum, til dæmis í dönskutíma? eftir ritstjórn Vísindavefsins.
• Hvar er hægt að finna flóðatöflu á Netinu? eftir Emilíu Dagnýju Sveinbjörnsdóttur.
• Hvenær var Viktoríutímabilið og hvað gerðist þá? eftir Emilíu Dagnýju Sveinbjörnsdóttur.
• Af hverju er hvítasunnan haldin hátíðleg? eftir Hjalta Hugason.
• Hvað gerist ef Katla gýs? Getur það valdið skaða á einhvern hátt? eftir Guðrúnu Larsen, Magnús Tuma Guðmundsson og Olgeir Sigmarsson.
• Getið þið frætt mig um klaufhala? eftir Erling Ólafsson.
• Eru rafrettur hættulegar? eftir Láru G. Sigurðardóttur.
• Hvað er fasismi? eftir Hrafnkel Tjörva Stefánsson.

Mynd:

• Free Images : cloud, sky, sunlight, dusk, fire, explosion, fireworks, atmosphere of earth 3872x2592 - - 37948 - Free stock photos - PxHere. (Sótt 11.01.2018).

...